إضراب عن الطعام للشيخ الجليل آل الجمنداري لإسقاط الدعاوي الكيدية ضد الناشطين في الديوانية

Submitted on Fri, 05/05/2017 - 00:00
الشيخ عبد الايمه آل الجمنداري

منذ سبعة أيام والشيخ الجليل الطيب الشجاع عبد الايمه آل الجمنداري مضرب عن الطعام مطالبا بإسقاط الدعاوي الكيدية ضد الناشطين من شباب  المدينة واحتجاجا على أوضاع المدينة وخدماتها السيئة... الإضراب المفتوح مستمر وسط تجاهل مريب من قبل منظمات المجتمع المدني و سكوت من قبل المجلس المحلي والمسؤولين وغياب لوسائل الإعلام والقنوات الفضائية كما يسجل أحد الأصدقاء وهو ثائر كريم الطيب : هذه فقرات مما كتبه الصديق ثائر على صفحته قبل ساعتين وتجدون رابط صفحته في خانة اول توقيع .. (الشعب يمتى يسولف ..!؟؟ لم أكتُب عن موضوع اضراب الطعام للشيبة العزيزة علينا جميعا #شباب_الديوانية وللمرة الثانية! عبداليمة آل جمنداري , شيخ المتظاهرين ,يُضرب  عن الطعام ولليوم السابع احتجاجآ على اوضاع المدينة وخدماتها ومطلبه الأول بأسقاط #الدعاوي_الكيدية على الشباب الناشطين.
 قبل شوية اتصلت بيه كَتله اني ما راضي على الاضراب لان عمرك جبير عمي وصحتك ادهورت وخايف عليك ومحد يستاهل ومن ضمنهم المتكلم!
 رد علية كَال : اني ما بيدي شي اساعدكم بيه، ولا اكَدر اركض وراكم بالمراكز والمحاكم، خل افعل هاي الفعلة حتى اريح ضميري، وياكم ابنائي حتى وان كان الآلم لا يحتمل واحس بتمزق اشلائي من شدة الجوع!
قسمآ برب الكون وكتبه ورسله خجلت من نفسي لموقفه .........
اني منتظر مواقف منظمات المجتمع المدني شنو موقفها ليش ساكته ؟!!
منتظر المدافعين عن حقوق الأنسان ليش هلسكوت عن الموضوع ؟!!
منتظر موقف من الحكومة المحلية خل تشوف هذا الرجل وتشوف حاله وتسوي حل !؟؟
 أعتب على القنوات الفضائية ومراسليها الاحبة ليش ما سلطو الضوء على هذا الرجل السبعيني وقضيته الإنسانية!
نسخه منه لكل الشرفاء)
*الصورة عن صفحة ثائر أيضا وهي للعم المضرب عن الطعام عبد الايمه آل الجمندري :
 رابط صفحة الصديق ثائر كريم الطيب في خانة أول تعقيب